بجد و لا مسلسل ؟؟

قريت خبر على موقع مصراوى

الادارية العليا تنظر في طعن الرئيس علي حكم القضاء الاداري ببطلان محاكمة الأخوان عسكريا

عاشان تشوفوا الخبر كله ممكن تدخلوامن اللينك هنا


مش مهم الخبر كامل قد ما مهم بجد الكلام ده و لا مسلسل عاشان الرئيس الاب الحنون و الكلام ده ؟؟

بمعرفتنا باداره مبارك

انا شايفه انه مسلسل

اكييييييييييييييييييد مسلسل بعد كل المسلسلات دى لازم تبقى الحلقه الاخيره اقوى ما يكون

و تدل على عطف الحكومه مع الجماعه المحظوره

و على قلب الرئيس الكبير

بجد حاجه تغيظ !!!!!!

حسبنا الله و نعم الوكيل

عدت لاكتب

عدت لاكتب

فقد زاد الظلم

او كشف عن وجهه القبيح اليوم

عدت لاكتب ,, لاصرخ

لكل مظلوم

اصرخ

فقد كان الحكم اليوم

الابرياء

الشرفاء

يحاولوا اصلاح مجتمعهم

و هم مثال للنجاح

لماذا نظل ننسى مدى ظلمهم ؟؟

لماذا نظل ننسى انهم من حرموا الاب من اولاده ؟؟

لماذا ننسى انهم من حرموا الزوج من زوجته ؟؟

لماذا ننسى انهم من سرقوا اعمارا ؟؟

لماذا ننسى ؟؟

او لعلنا نتناسى ؟؟!!!!!

او اننا نأمل فى عدل الله ربنا الواحد القدير

و لكن قد قال رسولنا فى حديث شريف معناه

يأتى يوم يكون فيه القابض على دينه كالقابض على جمره من نار

هذا هو درب اصحاب الرسالات

يحاربوا و يظلموا

ماذا اقول ؟؟

فى ظل كل هذا الظلم

ماذا اقول يا الهى ؟؟

ماذا اقول و انا اسمع صوت صديقتى على الهاتف و انا لا اعلم ماذا اقول لها

ماذا اقول و اباها استاذ الجامعه حكم عليه ظلما و بهتانا ؟؟؟!!!

اباها رمز من رموز النجاح و التقدير

اباها الرجل الفاضل , الاستاذ المبجل

ماذا اقول

؟؟؟؟؟؟

سنقف فى وجه الظلم

و لن نسكت

حسبنا الله و نعم الوكيل

عدت لاصرخ

صرخه للمظلمومين

عدت لاكتب

لاعبر

لاقول لا و الف لا

عدت لاقف بمدونتى فى وجه الظلم

عدت لاقول كلمه حق عند سلطان جائر

اتخرست

خلاص بقيت حاسه ان عندى حاله خرس

بجد مش عارفه اقول اى حاجه

و لا افكر فى اى حاجه

حاجه بخرس و شلل

و يا رب يطلع مؤقت

دعواتكم لواحده اسمها مريم

ان ربنا يهديها و يرشدها

قدر الله و ما شاء فعل

جمله فظيعه جدا

قدر الله و ما شاء فعل

معنى احلى و اهم ما يكون

يعنى الحمدلله

يعنى قدر الله  و ما شاء فعل

ده اسمه رضا

عن اى ارزاق من الله

عن اى حاجه

عن حاجه كان نفسك فيها و مش عرفت تاخدها

فلوس , منصب , صداقه , زواج , حب , مكانه اجتماعيه

اى حاجه مهم كانت تافهه

فيه واحد اسمه ابن عطاء الله السكندرى

ليه مجموعه من الخواطر او الكتابات

و دى واحده منهم

ارح نفسك من الهم بعد التدبير فما قام به غيرك عنك لا تقم انت به لنفسك 

يعنى اعمل اللى عليك و سيب الباقى على ربنا 

لان تدخلك او كلامك او سخطك او اى حاجه 

فى الاخر رزقك و نصيبك هو اللى هيجيلك 

مهما تعمل 

و لو اللى انت عايزه مش بيشترى بفلوس

او تاخده من حد او بيتطلب 

يبقى اللى انت عايزه مش فى ايد حد غير ربنا ابدا 

و حتى لو كان بفلوس و تشترى 

مش هتجيلك غير بامر من ربنا 

و رزقك مكتوب على الحاجه اللى هتجيلك 

يعنى ارضى عن ربنا 

و ارضى عن رزقك و حياتك 

فانا باحمد الله و راضيه تماما الحمدلله 

و قدرالله و ما شاء فعل 

و الحمدلله رب العالمين 

   

هكتب بس هقول ايه ؟

السلام عليكم

اول ما فكرت اكتب مكنتش اصلا مخططه انى هكتب بنفسى

لانى غالبا ما بنقل ... بضيف ... بعلق ... كده يعنى مش كتابه كتابه زى الناس الكبار

و بعدين مسكت القلم و كتبت و افتكرت ايام كنت كتبت فيها مواضيع تعبير فى المدرسه و بجد كانت بتتطلع حلوه اوى

بس و كعاده التعليم المصرى كان دور المدرسين

يعنى مدرس كل فين و فين كان بيشجعنى

دلوقتى بقى عندى فرصه اكتب بس كتير بتبقى جوايا حاجات و مش بكتب

ليه ؟

ممكن يكون عاشان غالبا بشوف رايى اغبى الاراء او اكثرها سطحيه

او انى مش هعرف اوصل وجهه نظرى صح

او انى جبانه

او

او

او

المهم انها حاجه كنت بخاف منها

دلوقتى انا قررت اواجه مخاوفى

و كل اسبوع ان شاء الله يوم الاتنين هنزل بوست جامد بجد

و عميق و بسيط و غالبا اللى هيقراه هينبسط اوى

و ان شاء الله هنفذ وعدى

حتى هعمل مجموعه عندى هسميها يوم الاتنين

و جواها هيكون كل الكلام المهم

لان احسن حاجه اى حد ممكن يعملها انه يواجه مخاوفه

عاشان يكتشف جمله قريتها قبل كده

لا شئ يخيفك الا الخوف نفسه

فدى دعوه

و ممكن نعملها حمله

اقهر خوفك

بس محدش ياخد الفكره لنفسه :)

و روح اعمل حاجه انت بتخاف منها او مش واثق فى نفسك فيها


و يا رب كلنا نبطل خوف بقى