السلام عليكم و رحمه الله و بركاته
بجد كل اللى سال عليا ... جزاكم الله كل خير
اما عن سبب عدم الكتابه فده للاسف لانى كنت وصلت لمرحله حسيت انى من كتر الكتابه مش عارفه اكتب حاجه
بس بعد احداث الجامعه يوم الاربعاء اللى فات حسيت انى لازم ارجع اتكلم و انسى اى حاجه تانيه
بعد ما شفت قدامى ولد بيجرى و كله دم من اللى بيضربوه
بعد ما شفت واحد شادينه و بيضربوه بالاحزمه
بعد ما شفت حاجات كنت بشوف اقل منها او مجرد ظلم معنوى لكن عمرى ما كنت شفت كده
و بعد كده بنسال نفسنا احنا عملنا ايه عاشان كل الاضطهاد ده ؟
هل عاشان عايزين كلمه ربنا هى اللى فوق
هل عاشان عايزين يصلحوا البلد
بجد الايام الاخيره كانت ايام متعبه جدا
ممكن عاشان كانت اول صدام ليا مع الواقع المرير اللى بيحصل فى سياسه مصر
انا عارفه ان الحقيقه ممكن تكون ابشع و اسؤا من كده
بس بجد اول مره اشوف كده على الحقيقه
و اقف و مش اعمل حاجه
حسيت انى كان لازم اصرخ او اتكلم لكن وقتها انعدمت منى كل حيله
و فقدت كل قوه
و حسيت انهم هزمونى و انى ضعيفه
و مش عرفت اعمل حاجه ادافع بيها عن حد ليه نفس انتمائى و بيتضرب عاشان بيطالب بالحريه
ممكن اكون زعلانه من نفسى اكتر ما انا زعلانه من الظلم اللى حصل
عاشان متعودين على الظلم , لكن عدم التصرف منى ده كان غلطه
المفروض كنت اعمل ايه ؟
معرفش بس كان المفروض اعمل اى حاجه , اى حاجه تؤكدلى انى مش خايفه و مش جبانه
و لحد دلوقتى مش عارفه المفروض كنت اعمل ايه ؟
اللى يعرف يبقى يقولى و يساعدنى
و ان شاء الله فيه بوستات جايه كتير
و جزاكم الله خيرا
بجد كل اللى سال عليا ... جزاكم الله كل خير
اما عن سبب عدم الكتابه فده للاسف لانى كنت وصلت لمرحله حسيت انى من كتر الكتابه مش عارفه اكتب حاجه
بس بعد احداث الجامعه يوم الاربعاء اللى فات حسيت انى لازم ارجع اتكلم و انسى اى حاجه تانيه
بعد ما شفت قدامى ولد بيجرى و كله دم من اللى بيضربوه
بعد ما شفت واحد شادينه و بيضربوه بالاحزمه
بعد ما شفت حاجات كنت بشوف اقل منها او مجرد ظلم معنوى لكن عمرى ما كنت شفت كده
و بعد كده بنسال نفسنا احنا عملنا ايه عاشان كل الاضطهاد ده ؟
هل عاشان عايزين كلمه ربنا هى اللى فوق
هل عاشان عايزين يصلحوا البلد
بجد الايام الاخيره كانت ايام متعبه جدا
ممكن عاشان كانت اول صدام ليا مع الواقع المرير اللى بيحصل فى سياسه مصر
انا عارفه ان الحقيقه ممكن تكون ابشع و اسؤا من كده
بس بجد اول مره اشوف كده على الحقيقه
و اقف و مش اعمل حاجه
حسيت انى كان لازم اصرخ او اتكلم لكن وقتها انعدمت منى كل حيله
و فقدت كل قوه
و حسيت انهم هزمونى و انى ضعيفه
و مش عرفت اعمل حاجه ادافع بيها عن حد ليه نفس انتمائى و بيتضرب عاشان بيطالب بالحريه
ممكن اكون زعلانه من نفسى اكتر ما انا زعلانه من الظلم اللى حصل
عاشان متعودين على الظلم , لكن عدم التصرف منى ده كان غلطه
المفروض كنت اعمل ايه ؟
معرفش بس كان المفروض اعمل اى حاجه , اى حاجه تؤكدلى انى مش خايفه و مش جبانه
و لحد دلوقتى مش عارفه المفروض كنت اعمل ايه ؟
اللى يعرف يبقى يقولى و يساعدنى
و ان شاء الله فيه بوستات جايه كتير
و جزاكم الله خيرا
